Atletiek is die fondasie van alle sport wat op skoolvlak beoefen word. Fonties beskik oor goed gekwalifiseerde afrigters wat spesialiseer in spesifieke items tot bevordering van elke atleet. Die afrigters van die skool is kundiges op ontwikkeling van jong kinders en stap ‘n pad saam met elke atleet wat begin op die vlak van vaardigheid van elke kind en die bereik van hul volle potensiaal as atleet. Elke atleet se vordering is belangrik en massadeelname word nagestreef so ver as moontlik, om ten einde kompeterende atete op te lewer vir vordering na Super 12, Streek, Provinsiaal en Nasionale deelname.

Laerskool Fontainebleau beskik oor die volgende items wat ons aanbied:

Diskus
Gewigstoot
Hekkies
Hoogspring
Middelafstande
Naellope
Spiesgooi en
Verspring

Fonties beskik oor ons eie swembad op die skoolgronde. Die swembad word gebruik om ons swemmers voor te berei vir die swemliga en deelname aan Super 12 kompetisie. Die skool het ‘n A- en B-span wat deelneem aan die begin van die jaar in kwartaal 1 en aan die einde van die jaar in kwartaal 4. Die swemmers word deur ‘n bekwame span afrigters, geslyp en maak deel uit van Fonties se skoolsport wat jaarliks groot opwinding tydens die interne Huissport veroorsaak.

Organiseerder Mika Cronje
mika@fonties.co.za

Fonties rugby het ‘n geskiedenis so oud soos die skool en ‘n reputasie wat ons naam ver vooruit strek. Die tradisies wat deur ‘n sterk rugbykultuur gebou was oor die jare heen het al verskeie vorme voorgekom, maar die etos bly dat Fonties rugby ‘n integrale deel is van ons lewenstyl by die skool. Ons lewer jaarliks puik spelers op wie die skool en gemeenskap op streek en provinsiale vlak verteenwoordig. Ons neem jaarliks aan die Super 12 reeks, toere, vriendskaplike- en ligawedstryde deel en bevorder uit en uit die balans tussen deelname en kompeterende spel. Die rugby breiers van die skool brei elke speler op hul eie manier om nie net beter spelers te word nie, maar beter mense.

Organiseerder Casper Bouwer
casper@fonties.co.za

Fonties Netbal kweek jaarliks uitnemende netbalspelers wat speel met die durf en deursettingsvermoë wat die hartklop van ons skool is. Elkeen van ons spanne word deur topvlak afrigters voorberei om op die hoogste vlak van Laerskool netbal deel te neem in die Super 12 reeks, toere, vriendskaplike- en ligawedstryde waaraan deelgeneem word op ‘n jaarlikse basis. Die spelers is ware ambasadeurs van ons skool en stel die beste van Fonties voor op die baan en van die baan af.

Organiseerder Eltika Jacobs
eltikaj@fonties.co.za

Fonties se krieketafrigters word getaak om die volgende generasie krieketspelers op te lewer wat nie terugstaan vir enige iemand nie. Ons krieket is geaffilieerd by die Gauteng, Noordwes streek en het seisoen na seisoen verteenwoordigers op hierdie vlak in elke ouderdomsgroep, van o/9 – o/13. Die spelers vorder verder as streek na provinsiale vlak waar Fonties ook verteenwoordig word met ons beste krieketseuns. Die skool seisoen is hoofsaaklik in die derde kwartaal en ons voorbereiding vir die strawwe liga sluit toere en vriendskaplike wedstryde in. Spelers leer om ware etiket ten toon te stel en ‘n voorbeeld te wees van hoe krieket gespeel moet word in goeie spangees. Spanne begin reeds op o/9 vlak met ‘n hardebal in die liga en streekspanne, waar hardebalkrieket gespeel word.

Seunsorganiseerder Casper Bouwer

Dogters organiseerder Wanya Botha / Johan Kotze 
wanya@fonties.co.za  / johank@fonties.co.za

Hokkie is ‘n spansport wat by Laerskool Fontainebleau vir beide dogters en seuns aangebied word in die derde kwartaal.
Laerskool Fontainebleau is geaffilieerd by die D10-streek, waar ons spelers streekspan verteenwoordiging kan bereik.

Laerskool Fontainebleau neem deel aan die Super 12 reeks,toere en klinieke word vir spelers gereël, asook vriendskaplike- en ligawedstryde waaraan daar jaarliks deel geneem word.

Die spelers is ware ambasadeurs van Laerskool Fontainebleau en stel die beste van ‘n Fontie voor op die baan sowel as van die baan af.

Dogters: 0/9 – 0/13
Seuns: 0/9 – 0/13

Organiseerder: Donaé Louw
donae@fonties.co.za

Fonties het ‘n aktiewe landloop-program waar die atlete reeds in kwartaal twee met voorseisoen voorbereiding begin. Atlete neem deel aan vriendskaplike-, en ligabyeenkomste gedurende die tweede en derde kwartaal. Die landloop atlete skakel soomloos oor na die atletiekseisoen in kwartaal een en vier, waar hulle heel jaar deur betrokke is met die sport op een of ander vlak.

Organiseerder Suné van der Schyff
sune@fonties.co.za

Fonties gholf is bevoorreg om Randpark Gholfklub as ons tuiste te roep waar professionele afrigting weekliks bygewoon word vir junior sowel as senior groepe. Die spelers neem deel aan interne kompetisies om die Fonties ranglys te bepaal, asook aan die Super 12 reeks en vriendskaplike wedstryde teen ander skole.

Organiseerder Sebastine Watney
sebastine@fonties.co.za

Die tennisprogram by Fonties bestaan uit junior- sowel as seniorgroepe wat reg deur die jaar oefen. Die skool is bevoorreg om ons eie professionele afrigter by die skool te hê wie met al die groepe werk, asook privaat lesse op die skoolbane aanbied. Senior spanne neem deel aan die Super 12 reeks, vriendskaplike- en ligawedstryde gedurende die eerste, derde en vierde kwartaal. Juniorspanne speel in liga in die derde kwartaal. Tennis as individuele sport is waardevol vir leerders se ontwikkeling en ‘n groot deel van ons opvoedingstaak by Fonties.

Mini Tennis Organiseerder Nicole Steinmann
nicoles@fonties.co.za

Tennis Organiseerder Esthea du Bruyn
esthea@fonties.co.za

Skaakspelers word in samewerking met House of Chess by die skool afgerig. Oefeninge word op vaardigheidsvlak van elke leerder bepaal en die groepe ontwikkel van beginners tot ligaspanne. Die skaakspanne neem deel aan buite toernooie, Super 12 reekse en ligawedstyde gedurende die jaar. Spelers bereik deur die skaakprogram gereeld provinsiale en nasionale kleure vir skaak. Die skoolspanne neem in ouderdomsgroepe o/7 – o/13 deel.

Organiseerder Sandra Blignaut
sandra@fonties.co.za

Fonties berei ons kinders voor in ‘n verskeidenheid sportsoorte, waar hengel een van die mees populêre keuses bly. Hengelaars werk in spanne saam as indivudue waar provinsiale en nasionale kleure bereik kan word. Fonties hengel lewer gereeld leerders van gehalte op wie ons skool op hierdie vlakke verteenwoordig. Hengelaars neem deel aan klinieke, ligabyeenkomste en vriendskaplike hengel.

Organiseerder Johan Kotze
johan@fonties.co.za

Die leerders van Fonties word ‘n geleentheid gebied om onder die naam van Laerskool Fontainebleau deel te neem aan die Gauteng School Cycling reeks. Die fietsryers ry in minstens ses verskillende wedrenne gedurende die jaar en maak punte bymekaar vir deelname en prestasies. Dit is een van die sporte by die skool wat wat sorg vir die meeste opwinding oor naweke. Enige ouderdomme is welkom om deel te neem.

Organiseerder Tjaart Prinsloo
carien@fonties.co.za