Musieklesse word deur die Hoërskool Randburg Magneetskool vir Musiek aangebied. Musieklesse word aan enige leerder van enige skool aangebied. Instrumente wat aangebied
word is klavier, sang, viool, tjello, kitaar, blokfluit en tromme.

Enige ander instrument wat u verlang, sal deur kundige onderwysers aangebied word.
Lesse word hier by Laerskool Fontainebleau of by Hoërskool Randburg aangebied. Die lesse sluit prakties, teorie en gehoorklasse in. Die fooie is uiters bekostigbaar en word deur bekwame onderwysers aangebied.

Skakelpersoon van Magneetskool:
Trudi van Wyk
magneetskool@hsrandburg.co.za

Organiseerder Christel Scholtz
christel@fonties.co.za

Ons Redenaars word geleer om voor ander mense te praat deur hulle redenerende vermoë en selfvertroue te stimuleer en te ontwikkel.

Ons hou jaarliks gedurende die vierde kwartaal interne uitdunne by die skool vir die leerders wat belangstel. Slegs voorbereide toesprake word tydens die interne uitdunne gelewer en word
deur eksterne beoordelaars beoordeel. Die uitdunne word per kategorie (gr. 1-3; gr. 4-5 en
gr. 6-7) van die volgende jaar gehou om sodoende finaliste te bepaal.

Die res van die leerders wat aan die uitdunne deelneem, kry geleentheid om aan Kollig Kunstefees asook aan Interskole Redenaars deel te neem.
Die onderwerpe per kategorie word deur die ATKV se voorskrifte vir daardie jaar bepaal.

Daar word tydens die uitdunne ook spanne vir spanredenaars gekies. ‘n Span bestaan uit 4 lede wat in dieselfde graad is. Ons spanne neem sover moontlik van gr. 3-7 deel. Ons neem ook aan ander kompetisies deel soos daar geleenthede is.

Die Klipfontein Voortrekker-Kommando is die tuiste van ons Fonties.
Die ouers en offisiere span jaarliks kragte saam om ‘n onvergeetlike kommandokamp te reël waar ons Vories leer om onder andere in die veld kos te maak en hoe om onder ander instrumente en knope te maak. Twee-weeklikse spanbyeenkomste op Maandae van 16:30 – 18:30 is groot pret met interessante en kreatiewe aktiwiteite uit die Graadwielboekies. Daar word gedurende die skoolvakansies geleentheid gebied om plaas-, sang-, see-, veld-, en waterwerkkampe by te woon. Naweek aktiwiteite behels om meer oor hulself, die omgewing, ons land en geskiedenis en godsdiens te leer. Tydens daardie aktiwiteite leer hulle nuwe dinge doen soos perdry en roei en ook om die sterre en buitenste ruim, diere en plante bestudeer.

Voorslag is waarna ons Laerskool Vories werk. Dit is die hoogste toekenning wat in gr. 7 verwerf kan word. Leerders kan brons, silwer of goue toekennings ontvang afhangende van betrokkenheid, deelname en kennis van Afrikanerskap, Burgerskap, Christenskap en diensbaarheid.

Skakelpersoon van Voortrekkers:
Lynette van der Walt
lynettevdw@qsure.co.za

Alle leerders van gr. 1-7 kry die geleentheid om deel te wees van ’n massa-konsert. Die produksie bestaan uit ‘n groep hoofkarakters wat die storielyn vertolk en die res van die leerders voer ‘n dans in graadverband uit in ooreenstemming met die tema van daardie jaar. Die doel is om leerders die geleentheid te bied om ten minste een maal gedurende hulle laerskoolloopbaan deel te wees van ‘n onvergeetlike produksie en om hulself ook op die gebied uit te leef.

Organiseerder Christel Scholtz
christel@fonties.co.za

Die Bleaudruk is ons skoolkoerant en verskyn een maal per jaar aan die einde van die jaar. Aan die begin van die jaar word graad 6 en 7 leerders wat belangstel , genooi om ‘n CV in te handig. Die Bleaudrukredaksie word dan daaruit gekies. Die leerders wat gekies word, bly vir die jaar deel van die redaksie. Hulle werk saam met die personeel betrokke aan die inhoud van die koerant.

Organiseerder Nadine Viljoen
nadine@fonties.co.za

Daar word ‘n mark vir die tweede en vierde kwartaal beplan waartydens die leerders tuisgemaakte produkte aan hulle maats verkoop.  Die leerders sal opleiding ontvang voor hulle deelname aan die mark.

Organiseerder Anieke Nel 
anieke@fonties.co.za

Tema: Ek is waardevol.
Wat is my waardes?

Die skool se leuse lui: “Laat daar lig wees!” Hier by Laerskool Fontainebleau probeer ons om saam te leer oor dissipelskap sodat ons ’n lig vir die wêreld daar buite kan wees. By Fonties streef ons daarna om respek te hê vir onsself en ons medemens. Ons wil soos koning Dawid verantwoordelikheid kan neem. Ons wil nes Jesus empatie hê met ander. Ons wil soos Josef geduldig kan wag vir God se plan. Ons wil leer om te bly volhard soos atlete. Ons gaan by die skool Fonties se waardes in die Woord gaan soek en kyk watter bybelkarakters het beskik oor die waardes. Ons lofprys en bou verhoudings met ons mede Fonties en hul ouers op Jeugaande. Ons gaan beslis ’n les of twee by hulle kan leer. Die Fonties se Jesustroepe is gereed om die lig van die stad te wees!

Organiseerder Pierre Human
pierre@fonties.co.za

Lidmaatskap: R 50 per lid

Die lidmaatskapgeld gaan ter ondersteuning vir een van die volgende:
-Animals in distress
-SAGA (South African Guide Dogs)
-De Wildt Cheetah-projek

Ons hou een maal ‘n kwartaal ’n instappie/uitstappie waartydens daar meer geleer word oor die natuur en omgewing. By instappies leer ons interessante feite oor diere en die natuur. Hiermee kweek ons ’n liefde by kinders vir die natuur en verbreed ons hulle algemene kennis oor diere, plante, voëls en meer.

Organiseerder Sandra Blignaut
sandra@fonties.co.za